Degemer mat war lec’hienn nevez Geobreizh.bzh

Savet eo bet al lec’hienn Geobreizh.bzh e 2005 gant Mikael Bodlore-Penlaez ha Divi Kervella ✝, o doa skrivet ivez Atlas Breizh ha meur a raktresoù all liammet gant Breizh : diwar-benn ar bannieloù, ar skoedoù, ar yezh pe an douaroniezh…

Atlas de Bretagne / Atlas Breizh, Mikael Bodlore-Penlaez & Divi Kervella, Coop Breizh, 2011

Kinnig da kumuniezh internet un danvez pinvidik ha munut diwar-benn douaroniezh Breizh e oa pal kentañ al lec’hienn-mañ. Kaset eo bet a-benn ar raktres-man o heuilañ div hentad:

  • kinnig d’an dud kartennoù a bep seurt a c’hellont bezañ implijet war ar roueded evit diskouez Breizh en e femp dempartamant pe e nav bro istorel. Atav eo bet krouet pep kartenn gant Bro-Naoned ha ne ket marteze ;
  • kinnig titouroù e brezhoneg. E-pad meur a bloavezhoù hon eus kinniget titouroù orin war ar 1 500 kumun eus Breizh, listennadoù douaroniezh e brezhoneg. Evit se hon eus bet sikouret alies gant Ofis publik ar brezhoneg.

Siwazh o deus cheñchet kalz teknologiezhioù internet ar bloavezhioù diwezhañ. Ne oa ket tu mont pelloc’h gant hol lec’hienn peogwir e oa re gozh goude 10 bloaz ar frammad hon doa diorrenet. Ret e oa deomp gortoz a-raok sevel unan nevez.

Version du site Geobreizh.bzh en 2014

Prest omp bremañ evit kinnig deoc’h ul lec’hienn nevez-flamm. Evit ho plijadur evel-just. Emichañs e viot laouen da welet Geobreizh.bzh en dro war ar rouedad. Tamm-ha-tamm e vo pinvidikaet. Kinniget e vo :

  • kartennoù Breizh, tennet evit ul lod brasañ anezho eus Atlas Breizh ;
  • kartennoù frank a wirioù e c’hellot implijout evel ho peus c’hoant war ho lec’hiennoù internet ;
  • foñsoù ar c’hartennoù evit ar c’helennerien pe ar studierien evit mont pelloc’h gant labourioù diwar-benn Breizh (stumm skeudenn, vektoriel pe shapefile evit ar c’hartennourien a-vicher) ;
  • titouroù a-bep seurt diwar-benn douaroniezh Breizh, hag e brezhoneg ouzhpenn-se
  • ha kartennoù Breizh, pobloù Europa pe ar bed da brenañ war ul lec’hienn ispisial (klikit war al liamm).

Mikael Bodlore-Penlaez, Geobreizh.bzh, 13 a viz Mae 2020